Միլիարդատեր Իլոն Մասկը կարծում է, որ Ուկրաինայի մուտքը ՆԱՏՕ կլինի միջուկային ապոկալիպսիսի մասին ֆիլմի սկիզբը։

«Սա բառացիորեն միջուկային ապոկալիպսիսի մասին ֆիլմի սկիզբն է», - գրել է նա թվիթերյան իր օգտահաշվում ԱՄՆ պետքարտուղար Անտոնի Բլինքենի և Ուկրաինայի արտաքին գործերի նախարար Դմիտրի Կուլեբայի ելույթի տեսագրության ներքո հրապարակված գրառման մեջ, որի ժամանակ Պետդեպարտամենտի ղեկավարը հայտարարել է, որ Ուկրաինան «կդառնա ՆԱՏՕ-ի անդամ»։

Մասկը իր մեկնաբանությանը կցել է «The Day After» (1983 թ.) գեղարվեստական ​​ֆիլմի մի հատված՝ ԽՍՀՄ-ի և ԱՄՆ-ի միջև հորինված միջուկային պատերազմի կադրերով:

Հիշեցնենք, որ չորեքշաբթի օրը ՆԱՏՕ-ի գլխավոր քարտուղար Յենս Ստոլտենբերգը կրկնել է, որ Ուկրաինան պետք է դառնա դաշինքի անդամ, սակայն ասել է, որ չգիտի, թե դա երբ տեղի կունենա։