Կրեմլը չի տեսել և չի լսել ՀՀ վարչապետ Նիկոլ Փաշինյանի՝ Եվրոպական հանձնաժողովի ղեկավար Ուրսուլա ֆոն դեր Լեյենի և ԱՄՆ պետքարտուղար Անտոնի Բլինկենի հետ հանդիպման ժամանակ հայկական կողմից հայտարարություններ անդրատլանտյան ինտեգրման թեման քննարկելու մտադրության մասին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք դեռ չգիտենք այս հանդիպման ամբողջական օրակարգը, թեև կան որոշակի մեսիջներ այս հարցի վերաբերյալ: Սպասենք, մենք հայկական կողմից որևէ հայտարարություն չենք տեսել և չենք լսել, որ նրանք նկատի ունեն քննարկել անդրատլանտյան ինտեգրման թեման»,- ուրբաթ լրագրողներին ասել է Պեսկովը։