Ուրբաթ առավոտյան Նյու Յորքի շրջանում 4,8 մագնիտուդ ուժգնությամբ երկրաշարժ է տեղի ունեցել։ ԱՄՆ-ի ամենամեծ մեգապոլիսի բնակիչների համար սա իսկական անակնկալ էր, գրում է Euronews-ը, քանի որ երկրի հյուսիս-արևմուտքը չի դասակարգվում որպես սեյսմիկ ակտիվ գոտի: ԱՄՆ Երկրաբանական ծառայությունը հայտնել է, որ երկրաշարժը տեղի է ունեցել առավոտյան ժամը 10:23-ին, որի էպիկենտրոնը եղել է Նյու Յորքից մոտ 45 մղոն դեպի արևմուտք և Ֆիլադելֆիայից 50 մղոն հյուսիս: Ծառայությունից հայտնել են նաև, որ ավելի քան 42 միլիոն մարդ կարող է զգացած լինել ցնցումները։ Երկրաշարժից ավելի քան 30 րոպե անց Նյու Յորքի արտակարգ իրավիճակների ծառայությունները հայտնել են, որ շենքերի վնասների կամ մարդկանց վնասվածքների մասին տեղեկություններ չկան:

Նյու Յորքի նահանգապետ Քեթի Հոչուլը X սոցիալական ցանցում գրել է, որ երկրաշարժը զգացվել է նահանգում։ «Իմ թիմը գնահատում է հետևանքները և ցանկացած վնաս, որը կարող է պատճառվել, և մենք օրվա ընթացքում կտեղեկացնենք հանրությանը»,- գրել է նա։