Օրենբուրգի շրջանի Օրսկ քաղաքում ամբարտակ է փլուզվել, հայտնում են ռուսական գործակալությունները՝ վկայակոչելով տարածաշրջանի օպերատիվ ծառայությունները ։ Դրա պատճառով գրեթե 11 հազար բնակիչ կտարհանվի։

Հեղեղումների գոտում կա 4258 տուն. տեղի փրկարարներն օգնում են տուժած ընտանիքներին հասնել մոտակա ժամանակավոր կացարաններ:

ՏԱՍՍ-ի աղբյուրի փոխանցմամբ՝ մոտ չորս հազար մասնավոր բնակելի շենքեր կարող են հայտնվել հեղեղումների գոտում։

Mash հեռագրային ալիքի փոխանցմամբ՝ հայտարարվել է Օրսկի ամբողջ Հին քաղաքի և Նիկել գյուղի շտապ տարհանում։

Տարածաշրջանի ավելի քան երեք հազար բնակիչ ավելի վաղ տարհանվել էր ջրհեղեղի պատճառով, փոխանցում է ՏԱՍՍ-ը։ Ապրիլի 5-ի դրությամբ մարզում ջրի տակ է անցել 1825 բնակելի շենք և 5242 կենցաղային հողատարածք՝ 95 բնակավայրերում։

Օրսկը Օրենբուրգի շրջանի երկրորդ ամենամեծ քաղաքն է՝ մոտ 200 հազար մարդ բնակչությամբ։

Տեսանյութերն՝ այստեղ։