Հայաստանը Եվրոպոլում կապի սպա կունենա։ Այս մասին ԱԺ-ում հայտարարել է ՆԳՆ փոխնախարար Արփինե Սարգսյանը։

Նա նշել է, որ ՆԳՆ-ի և Եվրոպոլի միջև ստորագրված փոխգործակցության համաձայնագիրը կվավերացվի։

Սպան կապահովի տեղեկատվության փոխանակումը Հայաստանի իրավապահ մարմինների, Եվրոպոլի ու ԵՄ անդամ պետություների միջև։

Փոխնախարարը հաղորդել է, որ սպայի նստավայրը կլինի Նիդերլանդներում։