Ադրբեջանի ԶԼՄ-ների զարգացման գործակալությունը և Պետական ​​անվտանգության ծառայությունը հայտարարություն են տարածել։

Նշվում է, որ «վերջին օրերին որոշ սոցիալական ցանցերում մի շարք անձանց կողմից տեղեկություններ են շրջանառվում հայ-ադրբեջանական սահմանին լարվածության աճի, ադրբեջանական բանակում զոհերի և վիրավորների առկայության, զորամասերի և ծանր հրետանու պատրաստության մասին, ինչպես նաև Լաչինի շրջանի տարածքում պարետային ժամ սահմանելու մասին։ Ըստ ադրբեջանակն կողմի՝ դրանք իրականությանը չեն համապատասխանում»։

Պետական ​​անվտանգության ծառայության կողմից իրականացված ուսումնասիրությունների արդյունքում պարզվել է, որ հասարակության մեջ մտահոգություն առաջացնող նման տեղեկատվություն տարածողները Ադրբեջանի քաղաքացիներ են՝ 1977 և 1973 թվականներին ծնված։

Ձեռնարկվել են անհրաժեշտ դատավարական միջոցառումներ։