ՌԴ ԱԳ նախարար Սերգեյ Լավրովը կմասնակցի ԱՊՀ արտգործնախարարների խորհրդի նիստին, հանդիպումը տեղի կունենա ապրիլի 12-ին Մինսկում, հայտնել է ՌԴ ԱԳՆ պաշտոնական ներկայացուցիչ Մարիա Զախարովան։

«Ապրիլի 12-ին Մինսկում տեղի կունենա ԱՊՀ երկրների արտգործնախարարների խորհրդի այս տարվա առաջին նիստը, որը կգլխավորի արտգործնախարար Սերգեյ Լավրովը, արտաքին գործերի գերատեսչությունների ղեկավարները մտքեր կփոխանակեն արդի միջազգային և տարածաշրջանային թեմաների շուրջ»,- ասել է Զախարովան։

Նա հավելել է, որ կողմերը կքննարկեն ԱՊՀ շրջանակներում փոխգործակցության հարցեր՝ շեշտը դնելով կազմակերպությունում Ռուսաստանի նախագահության իրականացման վրա։