Հայաստանի և Ադրբեջանի միջև կայուն խաղաղություն ապահովելու հնարավորություններ կան։ Այս մասին ադրբեջանական «Report»-ի հարցմանն ի պատասխան հայտնել է Հարավային Կովկասում Եվրամիության հատուկ ներկայացուցիչ Տոյվո Կլաարի խոսնակը։

Նշել են, որ ԵՄ-ն դրական է գնահատում կողմերի միջև խաղաղության պայմանագրի տեքստերի նախագծերի շարունակական փոխանակումը, այդ թվում՝ Երևանի կողմից Բաքու ուղարկված վերջին առաջարկները։

«Մենք մշտական ​​կապի մեջ ենք երկու կողմերի հետ։ Մենք կարծում ենք, որ կողմերի միջև մի քանի տարի շարունակվող բանակցություններից և քննարկումներից հետո, հատկապես նախագահ Միշելի կողմից ամենաբարձր մակարդակով աջակցվող, կան տարրեր Հայաստանի և Ադրբեջանի միջև կայուն խաղաղություն ապահովելու համար»,- նշել է խոսնակը։