Իսրայելը տարիներ շարունակ նախապատրաստվել է Իրանի կողմից հնարավոր հարձակմանը և այժմ պատրաստ է ինչպես պաշտպանական, այնպես էլ հարձակողական գործողությունների, շաբաթ երեկոյան ասել է Իսրայելի վարչապետ Բենիամին Նեթանյահուն։

«Վերջին տարիներին, հատկապես վերջին շաբաթներին, Իսրայելը պատրաստվում էր Իրանից հնարավոր ուղիղ հարձակման: Մեր պաշտպանական համակարգերը տեղակայված են, մենք պատրաստ ենք ցանկացած սցենարի, ինչպես պաշտպանական, այնպես էլ հարձակողական: Իսրայելն ուժեղ է, Իսրայելի հասարակությունն ուժեղ է», - ասել է Նեթանյահուն՝ ազգին ուղղված ուղերձում։
Վարչապետը հավելել է, որ Իսրայելը բարձր է գնահատում ԱՄՆ-ի, ինչպես նաև Մեծ Բրիտանիայի, Ֆրանսիայի և շատ այլ երկրների աջակցությունը։