Ապրիլի 3-ին Վրաստանում իշխող «Վրացական երազանք» կուսակցությունը խորհրդարան է ներկայացրել «Օտարերկրյա ազդեցության թափանցիկության մասին» օրինագիծը, որը գրեթե նույնական է մեկ տարի առաջ ցույցերի պատճառով խորհրդարանից հետ կանչված նախագծին։ Այսօր իրավական հարցրոի հանձնողովը նախագծին դրական գնահատական է տվել, ինչից հետո հարևան երկրի մայրաքաղաքում բողոքի ակցիա է մեկնարկել, որը կրում է«Այո Եվրոպային, ոչ ռուսական օրենքին» անվանումը։

Քիչ առաջ Թբիլիսիի Ռուսթավելիի պողոտայում հանրահավաքի կազմակերպիչները կարծիքներ են հայտնել իրենց գործողությունների վերաբերյալ։ Ոմանք ասում են, որ պետք է հիմա դադարեցվեն գործողությունները և շարունակվեն վաղը՝ ժամը 12:00-ին, իսկ ոմանք կարծում են, որ հանրահավաքի օրը ցրվելը կհանգեցնի հանրահավաքի ավարտին։ Հանրահավաքի կազմակերպիչներից մեկի խոսքով՝ վաղը ոչ պակաս կարևոր օր է, քանի որ օրենքի նախագիծը ներառվում է նստաշրջանի օրակարգ։

«Մենք չենք ցրել հանրահավաքը, պարզապես ասել ենք, որ վաղը ժամը 12:00-ից, երբ օրենքի նախագիծն ընդունվի լիագումար նիստում, կարեւոր է շարունակել ֆիզիկական մոբիլիզացիան։ Այնուամենայնիվ, որոշ մարդիկ գիշերում են: Ես գիտեմ, որ մենք՝ այսօրվա հանրահավաքի պաշտոնական կազմակերպիչներս, վաղը ժամը 12:00-ից վերադառնում ենք և սպասում ենք մեր քաղաքացիներին։  Հավանաբար վաղը երեկոյան էլ պետք է այստեղ լինենք»,- ասել է հանրահավաքի մասնակիցներից մեկը։

Միաժամանակ հանրահավաքի մեկ այլ կազմակերպիչ ասում է, որ եթե հիմա հանրահավաքը ցրվի, նշանակում է, որ իշխանությունը կընդունի օրենքը։

«Մեր դիրքորոշումը պարզ է, որ մենք չենք ցրվում։ Եթե ​​մենք ցրվենք, սա հարյուր տոկոսանոց երաշխիք է, որ «ՌԴ կառավարությունը» կընդունի ռուսական օրենքը»,- ասել է հանրահավաքի մեկ այլ կազմակերպիչ։

Տեսանյութն՝ այստեղ։