Ռուսաստանի հյուսիսարեւմտյան տարածքում տարվա ընթացքում 19 ահաբեկչություն է տեղի ունեցել։

Այս մասին ասել է Ռուսաստանի Անվտանգության խորհրդի քարտուղար Նիկոլայ Պատրուշևը։

Նա ասել է, որ կանխվել է ևս 27 նման հանցագործություն։

Պատրուշևը հայտարարել է, որ Ռուսաստանի Դաշնությունում «ակտիվանում են ուկրաինացիների սադրանքներն ու ահաբեկչական գործողությունները»։

Նա խոսել է նաև մարտի 22-ին Կրոկուսում տեղի ունեցած ահաբեկչության հետաքննության մասին։

«Հետաքննությունը հաստատել է ահաբեկչության անմիջական հեղինակների եւ ուկրաինացի ազգայնականների կապը»,-ասել է նա։