Ադրբեջանը մշտադիտարկում է իրականացրել օկուպացված Արցախի պատմամշակութային հուշարձաններում։

Այս մասին լրագրողներին ասել է Ադրբեջանի Մշակութային ժառանգության պահպանության, զարգացման և վերականգնման պետական ​​ծառայության ղեկավար Սաբինա Հաջիևան։

Նա ասել է, որ 705 հուշարձաններից 163-ում դեռ չի իրականացվել մոնիտորինգ. «Դա պայմանավորված է այն տարածքներով, որտեղ դրանք գտնվում են։ Որովհետեւ հնարավոր չէ այնտեղ մոնիտորինգ անցկացնել՝ թե՛ տեղանքով, թե՛ անվտանգության այլ խնդիրներից ելնելով»։

Հաջիևայի խոսքով՝ Ամարասի վանքը ևս ենթարկվել է մոնիտորինգի։