Հայաստանն ինքը դեռ չի սահմանազատել Ադրբեջանի հետ սահմանը։ Այս մասին իր հարցազրույցում ասել է Ռուսաստանի արտգործնախարար Սերգեյ Լավրովը՝ «մեկնաբանելով ՀԱՊԿ-ին Երևանի պահանջները»։

Նրա խոսքով, երբ Հայաստանում ասում են, որ ՀԱՊԿ-ը չի կարող որոշել իր պատասխանատվության գոտին երկրում, Երեւանն ինքը դա չի որոշել։ Նա ուշադրություն է հրավիրել Հայաստանի իշխանությունների հայտարարության վրա Ալմա-Աթայի հռչակագրի շրջանակներում 1991 թվականի սահմանները հարգելու պատրաստակամության մասին, ինչը նշանակում է, որ Լեռնային Ղարաբաղը գտնվում է Ադրբեջանի կազմում։

«Բայց զուգահեռաբար ստեղծեցին սահմանազատման հանձնաժողով, Տավուշի մարզում հայտարարեցին չորս ոչ անկլավային գյուղեր, որոնք նա պատրաստ է հանձնել և այժմ համոզում է բնակչությանը, որ չտալը սխալ է»,- ասաց Լավրովը,-«Ուստի նախքան ասելը, որ ՀԱՊԿ-ը պարտավոր է նշանակել իր պատասխանատվության տարածքը, անհրաժեշտ է սահմանել Հայաստանի սահմանները, ամբողջական սահմանազատում անել, ինչն ակտիվորեն անում է Հայաստանի ղեկավարությունը»,- ասել է նախարարը։

Նա հիշեցրել է, որ ՀԱՊԿ-ը 2022 թվականին Երևանի գագաթնաժողովում լիովին համաձայնեցրել է մի փաստաթուղթ, և բոլոր նախարարները հավանություն են տվել դրան՝ սահմանների պաշտպանության համար լրացուցիչ զինատեսակներ փոխանցելու, հատուկ վարժանքների անցկացման և սահմանին ՀԱՊԿ առաքելության տեղակայման մասին։

«Բոլոր նախարարները, այդ թվում՝ հայ, հավանություն տվեցին այս փաստաթղթին, իսկ հաջորդ առավոտ, երբ վարչապետը բացեց գագաթնաժողովը, ասաց, որ չկա կոնսենսուս, բայց հայ հասարակության մեջ կոնսենսուս կար։ Խոստացել էին երկու ամիս (ԵՄ դիտորդական առաքելություն-խմբ.), արդեն կանադացիները, ՆԱՏՕ-ի մյուս անդամները ցանկանում են գնալ այնտեղ, սա արդեն Եվրամիության առաքելություն չէ, սա արդեն ՆԱՏՕ-ի առաքելություն է լինելու»,- նշել է Լավրովը։