Ադրբեջանի արտաքին գործերի փոխնախարար Էլնուր Մամեդովը Արդարադատության միջազգային դատարանում «Ադրբեջանն ընդդեմ Հայաստանի» գործով Հայաստանի նախնական առարկությունների հիման վրա Արդարադատության միջազգային դատարանում տեղի ունեցած նիստում խոսել է Գարեգին Նժդեհի դերի և նրա գաղափարախոսության մասին։
Նա նշել է, որ Արցախի Հանրապետության գոյության ընթացքում (խմբ․) Հայաստանը ղեկավարում էր Հայաստանի հանրապետական կուսակցությունը:
«Այդ կուսակցությունը «Ցեղակրոն» գաղափարախոսության հավատարիմ հետևորդն է և իդեալականացնում է դրա հիմնադիր Գարեգին Նժդեհին։ Նույնիսկ այսօր ՀՀԿ-ն հպարտությամբ հայտարարում է, որ ինքը Ցեղակրոն շարժման և «Ազգային միաբանություն» կուսակցության գաղափարաքաղաքական իրավահաջորդն է»,- ասել է Մամեդովը։
Ադրբեջանի ԱԳ փոխնախարարը ընդգծել է, որ ՀՀԿ-ի գաղափարական հիմքը Նժդեհի խոսքերն են. «Ասվում է, որ «ուժեղ և արիական ազգ լինելը նշանակում է անտեսել մահը հանուն գոյության», իսկ ցեղակրոնությունը պահանջում է ռասայական արյան պաշտամունք և դեմ է խառը ամուսնություններին»։
Մամեդովը դատարանի ուշադրությանն է ներկայացրել «Ցեղակրոն» գաղափարախոսության մի քանի մեջբերման վրա․ «Ժամանակակից Հայաստանն ընդգրկում է մեր պատմական հայրենիքի միայն 1/19-րդ մասը... Ես «Ցեղակրոն» եմ և պետք է հաղթեմ իմ ցեղի թշնամուն՝ թուրքերին»,- նշված է արված մեջբերումում։
Էլնուր Մամեդովը նշել է, որ Նժդեհն այսօր Հայաստանում մնում է ազգային հերոս։ Նա նշել է, որ իր պատվին պատրաստված հուշարձաններից մեկը բացվել է Հայաստանի նախագահի կողմից 2016թ.։