Տավուշցի ՆԳ նախարար Վահե Ղազարյանի ենթակայությամբ աշխատող ոստիկանները օգնություն չեն ցուցաբերել Տավուշում ձեռնափայտով քաղաքացուն, ով հենց տավուշցի ՆԳ նախարարի ոստիկանների գործողությունների հետևանքով վնասվածք է ստացել։
Պատգամավոր Ասպրամ Կրպեյանն ասաց, որ ուշագնաց եղած պատգամավոր Գառնիկ Դանիելյանի նկատմամբ ևս սառնասրտություն են դրսևորել։
«Բացառիկ սառնասրտություն դրսևորեցին, ես դա բնութագրում եմ թուրք-ադրբեջական սառնասրտություն, որովհետև միայն թշնամին կարող է նման սառնասրտություն դրսևորել վիրավորի նկատմամբ։ Ուղիղ 15-20 րոպե մենք պահանջում էինք քաղաքացիական հագուստով բարձրաստիճան ոստիկաններին, որ հրահանգ տան շտապօգնության մեքենա հրավիրել։ Պատերազմի վետերաններ կային՝ գետնին տապալեցին, մի մասն առաջին պատերազմի ժամանակ են վիրավորում ստացել, մի մասը՝ 44-օրյա պատերազմի ժամանակ։ Այստեղ պատահական մարդիկ չկան, նրանք իրենց ամենաթանկն են զոհասեղանին դրել»,-ասաց Կրպեյանը։