Տավուշի մարզի հատվածում սահմանազատման գործընթացի արդյունքում Հայաստանը և Ադրբեջանը կֆիքսեն պետական սահմանը։ Այդ մասին լրագրողների հետ ճեպազրույցի ժամանակ ասաց ԱԺ նախագահ Ալեն Սիմոնյանը՝ նշելով, որ սահմանազատված հատվածներում կտեղակայվեն սահմանապահները։

 «Անկեղծ, շատ ուրախ եմ, որ եկել, հասել ենք նրան, որ արդեն սյուներ ենք տնկում և ֆիքսում ենք սահմանը։ Չէ՞ որ այդ սահմանը ֆիքսում ենք ոչ միայն հայկական կողմի համար, այլև ադրբեջանական կողմի համար։ Սահման ենք ստանում: Միակողմանի զիջո՞ւմ է սահման ունենալը: Միակողմանի զիջում է հավանական հարձակվող կողմից մեր հայկական սահմանը ճանաչե՞լը: Դա զիջո՞ւմ է: Որևէ տարածք, որևիցե թումբ հանձնվե՞լ է»,- ասաց Սիմոնյանը և նշեց, որ բազմիցս ասվել է, որ ՀՀ տարածքից որևեիցե մետր հանձնման առումով քննարկման ենթակա չէ: