ՌԴ նախագահ Վլադիմիր Պուտինը հրամանագիր է ստորագրել կառավարության հրաժարականի մասին։

«Ռուսաստանի Դաշնության Կառավարության հրաժարականի մասին» որոշումը տեղադրված է իրավական ակտերի պաշտոնական հրապարակման կայքում:

ՌԴ վարչապետ Միխայիլ Միշուստինի գլխավորությամբ հրաժարական տված կառավարությունը կիրականացնի իր գործառույթները մինչև նախարարների նոր կաբինետի նշանակումը, ասվում է հրամանագրում։

Այն ուժի մեջ է մտնում ստորագրման օրվանից՝ մայիսի 7-ից։

Սահմանադրության համաձայն՝ երկրի նորընտիր նախագահի պաշտոնը ստանձնելու օրը կառավարությունը հրաժարական է տալիս։ Երեքշաբթի կեսօրին Կրեմլում տեղի է ունեցել Պուտինի երդմնակալության արարողությունը։