Hayastan.news-ին մանրամասներ են հայտնի դարձել Երևանի «Սուրբ Աստվածածին» եկեղեցու տարածքում գտնված և «Սուրբ Աստվածամայր» բժշկական կենտրոն, այնուհետև մանկատուն տեղափոխված նորածնի մոր մասին։
Ինչպես հայտնի է` Ներքին գործերի նախարարությունը հայտնեց, որ նորածնի մայրը հայտնաբերվել է, նա Շիրակի մարզի բնակիչ է, ծնված 2000 թվականին։
Hayastan.news-ին հայտնի դարձավ, որ մայրը ծննդաբերել է Գյումրիի խնամքի կենտրոններից մեկում, այնուհետև իր մոր` երեխայի տատիկի հետ, նորածնին բերել է եկեղեցու բակ, թողել այնտեղ, հետևել է` տեսել, որ մարդ է մոտենում երեխային և իր մոր հետ հեռացել:
Երեխայից հրաժարվելու որոշումը խիստ անձնական է:
Նորածնի մայրն աշխատում է Շիրակի մարզի բարձրակարգ հանրային սպասարկման օբյեկտներից մեկում։
Հիշեցնենք, որ քրեական վարույթ չի նախաձեռնվել, մայրը հոգ է տարել երեխայի մասին` մանկական սնունդ, շորեր է դրել նրա հետ ու անվտանգ վայրում թողել:
Երեխային անվանակոչել են Մարթա ու բժշկական կենտրոնից տեղափոխել մանկատուն: