ՌԴ նախագահ Վլադիմիր Պուտինը հայտարարել է, որ Բելառուս այցի ընթացքում մտադիր է Բելառուսի իր գործընկեր Ալեքսանդր Լուկաշենկոյի հետ քննարկել անվտանգության հարցերը, ինչպես նաև բելառուսական կողմի մասնակցությունը ոչ ռազմավարական միջուկային զենքով վարժանքներին։

«Մեր գործընկերները մեր անմիջական մասնակցությամբ և աջակցությամբ շատ բան են արել այսօր և վաղը, այդ թվում՝ անվտանգության հարցերը, որոնց մասին նույնպես խոսելու բան կա»,- ասել է Պուտինը Լուկաշենկոյի հետ հանդիպման ժամանակ, որը տեղի է ունեցել Մինսկի օդանավակայանում։

ՌԴ նախագահը հավելել է, որ մտադիր է քննարկել բելառուսական կողմի մասնակցությունը ոչ ռազմավարական միջուկային զենքով վարժանքներին։ «Կխոսենք զորավարժությունների երկրորդ փուլի մասին, դա պայմանավորված է մեր բելառուս ընկերների, ռազմական ոլորտի գործընկերների անմիջական մասնակցությամբ այս իրադարձություններին»,- նշել է Պուտինը։