Մայիսի 23-ին արտառոց դեպք է տեղի ունեցել Լոռու մարզում։ Ժամը 16:20-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել Տաշիր քաղաքի մանկապարտեզից և հայտնել են, որ աղվեսն իր ձագերի հետ գտնվում է մանկապարտեզի վարչական տարածքում։

Shamshyan.com-ի տեղեկություններով, տեղում մանկապարտեզի տնօրինությունը տարհանել է 10 աշխատակցի և 51 երեխայի։

Փրկարարները սկսել են աղվեսի և նրա ձագների որոնման ուղղությամբ աշխատանքներ կատարել, սակայն պարզվել է, որ նրանք հավանաբար մարդկանց աղմուկի պատճառով լքել են տարածքը, ինչից հետո փրկարարները տեղում մանկապարտեզի աշխատակիցների հետ կատարել են մաքրման աշխատանքներ։