Անվտանգությունը չի կարող տարանջատվել մարդկանցից և նրանց իրավունքներից։ Այս մասին թվիթերյան իր էջում գրել է ՀՀ Մարդու իրավունքների նախկին պաշտպան Արման Թաթոյանը՝ հրապարակելով տեսանյութ Կիրանցից։
«Սահմանազատումն ինքնին ապահով կյանքի համար է: Այն, ինչ կատարվում է Տավուշում՝ սահմանազատում չէ, կոպտորեն խախտում է Կիրանցի և մյուս գյուղերի բնակիչների իրավունքները։ Չի կարելի թույլ տալ, որ ադրբեջանական հանցագործությունները թաքցվեն աշխարհից»,-գրել է նա։