Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։
Դեբեդ գետի վարարման հետևանքով փակ են Ձորագետ-Ալավերդի-Քարկոփ և Բագրատաշեն-Պտղավան ավտոճանապարհները:
Դեբեդ գետի վարարած ջրերն այս գիշեր դուրս են եկել հունից՝ ավերածություններ կատարելով Մ-6 միջպետական ճանապարհին, ինչի հետեւանքով ճանապարհը երկկողմանի փակ է երթեւեկության համար. հայտնում է «Ճանապարհային դեպարտամենտ» հիմնադրամը:
Սոցցանցի օգտատերերը հայտնում են, որ Լոռու մարզի Ալավերդի քաղաքում տեղացած հորդառատ անձրևի պատճառով վարարած Դեբեդն իր ճամփին քշել տարել է ամեն բան:
Ավերված և անանցանելի են Մ6 մայրողու տարբեր հատվածներ, գետը քանդել է ճանապարհը և հավանաբար երկար շաբաթներ աներթևեկելի կլինի մայրուղին:
Ալավերդու գլխավոր Թումանյան փողոցի մի հատվածը գետի ջրերի տակ են:
Մ6 մայրուղու տարբեր հատվածներում արգելափակված մարդիկ են և մեքենաներ:
Օգտատեր Հրաչյա Պապինյանը լուսանկարներ է հրապարակել: