ՌԴ ԱԴԾ-ն կանխել է Ղրիմում երկաթուղային օբյեկտների վրա մի շարք ահաբեկչություններ։

«ԱԴԾ-ն կանխել է մի շարք դիվերսիաներ և ահաբեկչական գործողություններ Ղրիմի Հանրապետությունում երկաթուղային տրանսպորտի օբյեկտներում, որոնք ծրագրել էին ուկրաինական հատուկ ծառայությունները։ Ուկրաինայի պաշտպանության նախարարության գլխավոր հետախուզական վարչությունն ընտրել և հավաքագրել է Ղրիմի հինգ բնակիչների, ովքեր Կիևի ռեժիմի կողմնակիցներ են», - հայտնել են հատուկ ծառայությունից։

Գերատեսչության տվյալներով՝ հանցագործների ընդհանուր ղեկավարումն իրականացրել է 1970 թվականին ծնված ՌԴ քաղաքացին, ով մահացու վնասվածքներ է ստացել Ղրիմում  ինքնաշեն պայթուցիկ սարքի պայթյունից։ Մնացած կասկածյալները ձերբակալվել են և խոստովանել իրենց մեղքը։