Հայաստանում բողոքի ակցիաները կարող են հանգեցնել վարչապետ Նիկոլ Փաշինյանի հրաժարականին, եթե ավելի լայն աջակցություն ստանան երկրի ներսում, կարծում է ՀՀ նախկին վարչապետ Հրանտ Բագրատյանը։

«Իրավիճակն այստեղ փոխվում է ամեն րոպե, բայց սա ուժեղ շարժում է», - ՌԻԱ Նովոստիին ասել է Բագրատյանը Մոսկվայում Լազարևյան ակումբի հանդիպման շրջանակում։

Նրա կարծիքով՝ այն, ինչ տեղի է ունենում, կարող է հանգեցնել Փաշինյանի հրաժարականին, եթե ավելի շատ մարդիկ միանան բողոքի ակցիաներին, և այլ պետություններ իրենց աջակցությունը հայտնեն։

Առայժմ Փաշինյանի աջակցությունը օտար, հատկապես արևմտյան շրջանակներից, շարունակվում է, հավելել է գործակալության զրուցակիցը։