Մեծ Բրիտանիան երբեք չի սահմանափակել «Storm Shadow» հրթիռներով ռուսական տարածքի վրա հարձակումների հնարավորությունը, հայտարարել է ՆԱՏՕ-ի գլխավոր քարտուղար Յենս Ստոլտենբերգը դաշինքի արտգործնախարարների ոչ պաշտոնական հանդիպմանը ժամանելուն պես, որը հեռարձակվել է ՆԱՏՕ-ի Youtube ալիքով։

«Մեծ Բրիտանիան երկար ժամանակ առանց սահմանափակումների տրամադրել է «Storm Shadow» հրթիռները»,- ասել է նա։

Վերջերս արևմտյան քաղաքական գործիչները ավելի ու ավելի հաճախ են կոչ անում թույլատրել Ուկրաինայի զինված ուժերին հարվածներ հասցնել Ռուսաստանի տարածքին: Այս դիրքորոշումը պաշտպանել է, մասնավորապես, Ֆրանսիայի նախագահ Էմանուել Մակրոնը, իսկ Դանիայի արտգործնախարար Լարս Լոկե Ռասմուսենն ասել է, որ Կոպենհագենը Կիևին թույլ կտա օգտագործել F-16 կործանիչներ այդ նպատակով։