Արևմուտքից պատվերներ ստացող Թուրքիան այլևս չկա, մեր երկիրը անկախ քաղաքականություն է վարում, ասել է Թուրքիայի Հանրապետության նախագահի աշխատակազմի հաղորդակցության բաժնի ղեկավար Ֆահրեթթին Ալթունը, հաղորդում է «Ռիա Նովոստի»-ն։

«Մենք սա ասում ենք հստակ և միանշանակ։ Այն Թուրքիան, որ հրամաններ էր ստանում Արևմուտքից և չէր կարողանում ինքնուրույն քաղաքականություն և ռազմավարություն մշակել, այլևս գոյություն չունի։

Այսօր Թուրքիան տարածաշրջանում վարում է կայուն անկախ քաղաքականություն»,- երեքշաբթի օրը ելույթ ունենալով Անկարայում՝ ասել է Ալթունը։

Նրա խոսքով, «արևմտյան լրատվամիջոցները շարունակում են Թուրքիային հյուծելու գործունեությունը»։

«Սակայն մենք շարունակում ենք պայքարել»,- նշել է նա։