Սիրուշոն հետաձգեց ռուսաստանյան հյուրախաղերը, բայց հուլիսին ելույթ կունենա ԱՄՆ-ում։ Երգչուհին սոցցանցերի իր էջերում հայտնել է, որ հուլիսի 13-ին ելույթ կունենա ԱՄՆ-ում՝ Կալիֆոռնիայի Palm Springs հյուրանոցում։
«Կալիֆոռնիա, հատուկ երեկո է մոտենում հուլիսի 13-ին։ Պատվիրեք տոմսեր հիմա՝ լավ տեղեր ստանալու համար։
ՍԻՐՈՎ լի երեկո է լինելու: Ձեզ ենք ներկայացնում մեր ամենառոմանտիկ համերգը»,- ասված է երգչուհու գրառման մեջ։
Ավելի վաղ Սիրուշոն հայտնել էր, որ հաշվի առնելով երկրի ներկայիս մթնոլորտը՝ հետաձգում է հյուրախաղերը ՌԴ-ում։
«Հաշվի առնելով մեր երկրի ներկայիս մթնոլորտը՝ Ռուսաստանի հյուրախաղերը որոշվեց տեղափոխել հոկտեմբեր ամիս: Ցանկանում էինք ընդամենը մի քանի շաբաթով հետաձգել, սակայն հուլիսից սկսած՝ այլ պլանավորված համերգներ և ելույթներ ունեմ: Միակ հնարավոր ամենամոտ ամիսը ստացվեց հոկտեմբերը: Ռուսաստանում բնակվող սիրելի՛ հայրենակիցներ, անհամբեր սպասում եմ մեր հանդիպմանը և խոստանում, որ այն տեղի կունենա և կլինի անմոռանալի:
Հուսով եմ՝ շուտով այնպես կլինի, որ էլ երբեք ստիպված չենք լինի ամիսներով աշխատած համերգներ հետաձգել ու ծրագրեր փոխել...»,- գրել էր նա։
-thumbnail.jpg)
-thumbnail.jpg)
-thumbnail.jpg)