Գերմանական Bild պարբերականը հրապարակել է Գերմանիայի կառավարության ծրագիրը երկրի բնակչության համար Ռուսաստանի հետ լայնածավալ զինված հակամարտության դեպքում։ Հրատարակության համաձայն՝ դաշինքի զորքերը կտեղափոխվեն ողջ Գերմանիայով ՆԱՏՕ-ի արևելյան թեւ: Բունդեսվերի ուժերն իրենք նույնպես կլինեն այդ տարածքում։ Ծրագրում ուղղակիորեն ասվում է, որ մի քանի վայրերում միաժամանակյա հարձակման դեպքում պետությունը չի կարողանա օգնել բոլոր կարիքավորներին. մարդիկ պետք է պատրաստ լինեն ինքնուրույն հաղթահարելու դժվարությունները:

Բացի այդ, ռմբակոծության դեպքում նախատեսվում է շենքերի նկուղները, ստորգետնյա ավտոկայանատեղերը և մետրոյի կայարանները օգտագործել որպես խաղաղ բնակիչների ապաստարաններ։ Իշխանությունները նաև իրավունք են վերապահում տարհանել երկրի որոշ շրջաններ, սակայն ընտանիքների բաժանումն անթույլատրելի է։ Բացի այդ, հիվանդանոցները պետք է պատրաստ լինեն երկար ժամանակ ընդունելու մեծ թվով վիրավորների:

Ծրագիրը ներառում է նաև խորհրդարանը ցրելու արգելք «քանի դեռ Գերմանիան պաշտպանում է իրեն»: Բացի այդ, պատերազմի ժամանակ երկրին սպառնում է սննդի պակասը, ուստի պարենի նախարարությունը կարող է կանոնակարգ սահմանել սննդամթերքի բաշխման վերաբերյալ, իսկ կառավարությունը կարող է գաղտնի վայրերում պահել ցորենը,վարսակը: Նախարարների կաբինետը կունենա նաև բրնձի, հատիկաընդեղենի և խտացրած կաթի «հրատապ մատակարարում»՝ բնակչությանը օրական մեկ անգամ տաք ճաշով ապահովելու համար։ Խոսքն առաջին հերթին խոշոր քաղաքների բնակիչների մասին է։