Ադրբեջանի Մշակույթի նախարարությունը հայտարարություն է տարածել ադրբեջանցի կոմպոզիտոր Ուզեիր Հաջիբեյլիի «երաժշտական գործերի րուրացման վերաբերյալ»։  

«Ուզեիր Հաջիբեյլիի «Թող դա չլինի, թող սա լինի» կատակերգության երաժշտության մի մասը տեղադրվել է YouTube հարթակում՝ որպես հայ կոմպոզիտոր Առնո Բաբաջանյանի «Վաղարշապատի պար»։

Մտավոր սեփականության գործակալությունը բազմաթիվ դիմումներ է հղել Մտավոր սեփականության համաշխարհային կազմակերպությանը։

Վերոնշյալի առնչությամբ հայտարարում ենք, որ ՄԱԿ-ի անդամ Հայաստանի Հանրապետությունը չի կատարում իր բազմաթիվ պարտականություններն ու պարտավորությունները՝ կապված մտավոր սեփականության իրավունքների պաշտպանության հետ։ ՀՀ համապատասխան պետական ​​մարմիններին խնդրում ենք վերացնել Ուզեյիր Հաջիբեյլիի «Թող դա չլինի, թող սա լինի» և «Արշին մալ Ալան» ստեղծագործությունների յուրացման վերը նշված դեպքերը և տեղեկացնել»,-նշում են Բաքվից։