Դեռևս նման հնարավորություն չեմ տեսնում, եթե տեղի է ունեցել մարդասպանություն, սահմանի խախտում, դա պետք է քննվի, պարզաբանվի, նոր՝ բանակցություններ և այլն։ Ամեն դեպքում հիշեք, որ մենք էլ այնտեղ գերիներ ունենք։ Այս մասին ԱԺ-ում լրագրողների հետ զրույցում ասաց ՔՊ-ական պատգամավոր Արմեն Խաչատրյանը՝ պատասխանելով ՀՀ սահմանը հատած և կալանավորված 2 ադրբեջանցի զինծառայողներին Ադրբեջան վերադարձնելու վերաբերյալ հարցին։

«Այս պահին բացառում եմ, որ հետ վերադարձնեն»,- ասաց նա։

Իսկ հայ գերիների հետ փոխանակման գործընթացը հնարավոր համարո՞ւմ է, թե ոչ, Խաչատրյանն ասաց․ «Գուցե սխալվում եմ, բայց նախաքննության ընթացքում բացառում եմ»։