ՌԴ Անվտանգության խորհրդի փոխնախագահ Դմիտրի Մեդվեդևը կարծում է, որ Կիևի իշխանությունները իզուր են մերժում բանակցությունների վերաբերյալ Ռուսաստանի առաջարկները, քանի որ ամեն ինչ կարող է վատթարանալ։

«Նրանք ամեն ինչ մերժեցին Շվեյցարիայում տեղի ունեցած հանդիպման ժամանակ, ինչը նշանակում է, որ նրանք կհրաժարվեն բաց թողնված առաջարկներից՝ իզուր»,-ասել է նա։

Նա հավելել է, որ Կիևը դեռ հնարավորություն ունի ընդունելու ՌԴ նախագահ Վլադիմիր Պուտինի հնչեցրած առաջարկները և փորձելու խաղաղություն հաստատել, և յուրաքանչյուր հաջորդ առաջարկ ավելի վատ կլինի, քան նախորդը։

«Բայց եթե (Կիևի իշխանությունները - խմբ.) դա չանեն (չընդունեն ՌԴ նախագահ Վլադիմիր Պուտինի առաջարկը - խմբ.), ապա, ամենայն հավանականությամբ, իրադարձությունները կզարգանան այն սցենարով, որի մասին այժմ խոսվում է։ Այսինքն՝ մեր հարձակողական գործողությունները շարունակվելու են, իսկ թե որտեղ կավարտվի հենց այն սանիտարական գոտու սահմանը, որի մասին խոսել է մեր երկրի նախագահը, դժվար է ասել։ Հավանական է, որ այս ամենը չի լինի ուկրաինական ներկայիս իշխանությունների օգտին»,- ընդգծել է Մեդվեդևը։