Փարիզը հրահրում է զինված առճակատման հերթական փուլը Հարավային Կովկասում։ Այս մասին ճեպազրույցում ասել է ՌԴ ԱԳՆ ներկայացուցիչ Մարիա Զախարովան՝ մեկնաբանելով Ֆրանսիայի կողմից Հայաստանին CAESAR համակարգեր մատակարարելու պայմանագիրը։

Զախարովան այս պայմանագիրն անվանել է էսկալացիա հրահրելու քայլ։

«Ֆրանսիան չի առաջնորդվում Հայաստանի շահերով, այլ միայն ձգտում է օգտագործել տարբեր երկրների ներսում առկա տարաձայնությունները՝ որպես սեփական պատեհապաշտ նպատակներին հասնելու գործիք»,- ասել է նա։

Միևնույն ժամանակ նա Ֆրանսիային անվանել է ՆԱՏՕ-ի գաղափարախոսության դիրիժոր։