Պխունսան ցեղատեսակի շները, որոնք ՌԴ նախագահին նվիրել է Հյուսիսային Կորեայի առաջնորդ Կիմ Չեն Ընը, դեռևս անուններ չեն ստացել, ասել է ՌԴ նախագահի մամուլի քարտուղար Դմիտրի Պեսկովը։

Պատասխանելով հարցին՝ որտեղ են ապրելու շները, Պեսկովը նշել է․ «Մոսկվայում»։

Կրեմլի արարողակարգի նախկին ղեկավար Վլադիմիր Շևչենկոն էլ իր հերթին մեկնաբանել է այս նվերը՝ նշելով, որ երկրի ղեկավարների մակարդակով կենդանիները որպես նվեր սովորաբար ընկերական քայլի նշան են։