Թուրքիայի Մալաթիա նահանգում՝ երկրի արևելքում, 4,0 մագնիտուդ ուժգնությամբ երկրաշարժ է տեղի ունեցել, հայտնում է Աղետների կառավարման վարչությունը:

X սոցիալական ցանցում գերատեսչության հաղորդագրության համաձայն՝ տեղական ժամանակով ժամը 21:29-ին ցնցումներ են գրանցվել Դողանշեհիրի շրջանում։ Երկրաշարժի օջախի խորությունը կազմել է 10,96 կմ։ Իշխանությունները երկրաշարժի հետևանքով զոհերի և ավերածությունների մասին տվյալներ չեն հայտնել: