Բրազիլիայի նախագահ Լուիս Ինասիո Լուլա դա Սիլվան Wikileaks-ի հիմնադիր Ջուլիան Ասանժի ազատ արձակումը ժողովրդավարության հաղթանակ է անվանել։
«Աշխարհն այսօր մի փոքր ավելի լավն է և ավելի քիչ անարդար: Ջուլիան Ասանժն ազատ է 1901 օր բանտարկությունից հետո: Նրա ազատ արձակումը և տուն վերադարձը, թեև ուշացած, հաղթանակ է ժողովրդավարության և մամուլի ազատության համար պայքարում», - գրել է Բրազիլիայի ղեկավարն X-ում.

Ասանժը հունիսի 24-ի առավոտյան ազատ է արձակվել բրիտանական բանտից այն բանից հետո, երբ նա պայմանավորվել է ամերիկացի դատախազների հետ մեղքի մասնակի խոստովանության շուրջ: Այս խոստովանությունը թույլ տվեց նրան ազատ արձակել այն հինգ տարիներից հետո, որոնք լրագրողն արդեն անցկացրել էր ճաղերի հետևում։   Wikileaks-ն X-ում հայտնել է, որ ազատ արձակվելուց հետո Ասանժը թռել է հայրենի Ավստրալիա։