Հայաստանը պատրաստ է մեկ ամսվա ընթացքում վերջնական տեսքի բերել Ադրբեջանի հետ խաղաղության պայմանագիրը և ստորագրել այն, սակայն Բաքվից ակնկալում է դրական պատասխան։

Այս մասին ասել է Հայաստանի արտաքին գործերի նախարար Արարատ Միրզոյանը։

«Հայաստանը պատրաստ է վերջնականացնել Ադրբեջանի հետ խաղաղության պայմանագիրը և ստորագրել այն մեկ ամսվա ընթացքում, չեմ կարող ասել, որ մենք տեսնում ենք ադրբեջանական կողմի պատրաստակամությունը՝ ստորագրելու փաստաթուղթը մեկ ամսվա ընթացքում»,- նշել է նա իր էստոնացի գործընկերոջ հետ Տալլինում համատեղ ասուլիսում։