2020 թվականի մեր հայրենական պատերազմից հետո ինչ տեղի ունեցավ, դա էլ էր խաբեություն։ Այսպես կոչված պայմանագրում արձանագրված էր, որ զորքերը մնալու են այնտեղ, որտեղ կան, բայց զորքերը չմնացին իրենց տեղում, այլ թշնամու զորքերը եկան ձեր տուն։

Այս մասին Գորիսում` բնակիչների հետ հանդիպմանն, ասաց Բագրատ սրբազանը։

«Այսօր Շուռնուխում հայ մարդու սարքած տան գլխին թշնամու դրոշն է տնկած։

2021 թվականին այդ մարդը եկել ժողովրդից քվե է խնդրել, ասելով, որ ձեռքս կկտրեմ, բայց չեմ հանձնի, իսկ 2024 թվականին վերադարձել ու այդ նույն ձեռքով սպառնացել է մարդկանց, որ եթե չանեք, պատերազմը դուք եք բերելու մեր գլխին, այսինքն պատաստանատվությունը դրել է գյուղացիների ուսերին»,-ասաց նա։

Ինչ վերաբերում է շարժմանը, Բագրատ սրբազանն ասաց. 

«Մեր շարժումը երբեք չի վերջանալու այնպես, ինչպես մեր թշնամիները պատկերացնում են։ 

Ամփոփվելու է այնպես, ինչպես մենք ցանկանում ենք և այդ ամփոփումը միայն ճշմտարության հաղթանակի մասին է։ 

Մեր բոլոր խնդիրների լուծումն այդտեղ է»։