ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը խորհրդարանում հայտարարել է, որ նախաձեռնել է Մարդու իրավունքների պաշտպանության ու հանրային հարցերի հանձնաժողովի նախագահ Թագուհի Թովմասյանին անվստահություն հայտնելու գործընթաց:
«Ամենայն հավանականությամբ՝ առաջիկայում այդ հարցը խմբակցությունում կդառնա քննարկման առարկա», - ասել է նա։
Հիշեցնենք, որ օրերս Թովմասյանի ղեկավարած հանձնաժողովում ՄԻՊ թեկնածու առաջադրելու հարցի քննարկման ժամանակ միջադեպ էր տեղի ունեցել։