Իրանի նոր նախագահը բնականաբար իրանցի է, որը սերում է Ատրպատականից: Այս մասին իր տելեգրամ ալիքում գրել է իրանագետ Վարդան Ոսկանյանը` անդրադառնալով այն խոսակցություններին, որ Իրանի նորընտիր նախագահը ծագումով ադրբեջանցի է:

«Քանի որ նաև Բաքվի բարբարոսական վարչախմբի քարոզչամեքենայի ազդեցության տակ մեզանում տարածվել է «կարծիք», թե Իրանում նախագահ ընտրված Մասուդ Փեզեշքիանն, իբր, «ադրբեջանցի» է, առաջարկում եմ լսել այս հարցազրույցի (https://youtu.be/Sf1HNYM5mO0?si=ZPuOqspAQrzwu-mj) առաջին հատվածը, որտեղ մանրամասն անդրադարձ կա խնդրին։Այստեղ նշեմ միայն, որ Իրանի նոր նախագահը բնականաբար իրանցի է, որը սերում է Ատրպատականից։ Հարցազրույցում նաև անդրադարձ կա մեր խնդիրներին և մի շարք այլ հարցերի»,- գրել է նա։