Ֆրանսիայի խորհրդարանական ընտրություններում հաղթած «Նոր ժողովրդական ճակատ» կոալիցիան մեկ շաբաթվա ընթացքում կներկայացնի վարչապետի իր թեկնածուին։

Այս մասին հայտնում են տեղական լրատվամիջոցները՝ հղում անելով Սոցիալիստական ​​կուսակցության առաջնորդ Օլիվյե Ֆորին։

«Թեկնածուի ընտրությունը կկատարվի այս շաբաթ՝ կա՛մ կոնսենսուսով, կա՛մ քվեարկությամբ», - նշել է նա։

Լրատվամիջոցները չեն բացառում, որ ապագա կառավարությունը կարող է գլխավորել նախկին նախագահ Ֆրանսուա Օլանդը։

Հաղորդվում է, որ նախագահ Էմանուել Մակրոնը շնորհավորել է Օլանդին՝ երկրի խորհրդարանում ընտրվելու կապակցությամբ։

Ինքը՝ Օլանդը, ասել է, որ չի հավակնում կառավարության ղեկավարի պաշտոնին վարչապետ Գաբրիել Աթտալի՝ հրաժարական տալու որոշման ֆոնին։