Կիևի մանկական հիվանդանոցի վրա հարձակման հետ կապված միջադեպը Ուկրաինայի հերթական սադրանքն է, ինչպես Բուչայում էր, այս սադրանքները արվում են, որպեսզի արևմտյան լսարանին ցուցադրեն խաղաղ բանակցությունների բացակայությունը։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան։

Նա նշել է՝ Բուչայում սադրանքը տեղի է ունեցել, որպեսզի նույն արևմտյան լսարանին բացատրվի խաղաղ բանակցությունների դադարեցումը, երբ Մեծ Բրիտանիայի նախկին վարչապետ Բորիս Ջոնսոնը ետ կանգնեցրեց Ուկրաինային դրանցից։

«Հիշեք, թե երբ և ինչու եղավ Բուչան... Այժմ մենք, նրանց աղբյուրներից և հայտարարություններից, գիտենք, որ ամբողջ աշխարհը գիտի, որ Բուչան տեղի է ունեցել հենց նրա համար, որ ամրագրվի արևմտյան լսարանի ընկալումը բանակցությունների դադարեցման մասին... Հիմա տեսնենք, թե ինչու։ Հերթական սադրանքն է ի հայտ եկել, ինչին արձագանքում են նրանց պաշտոնյաները արևմտյան մայրաքաղաքներում, քանի որ միջազգային հանրությունը ձեռնամուխ է եղել կարգավորման այլ դիվանագիտական, քաղաքական ճանապարհ գտնելու խնդրին»,- ասել է Զախարովան։