ՌԴ ԱԴԾ-ի աշխատակիցները կանխել են ռուս երեք բարձրաստիճան սպաների սպանությունները, հայտնում է հետախուզության հանրային կապերի կենտրոնը։

«Ռուսաստանի Դաշնության Անվտանգության դաշնային ծառայությունը կանխել է ուկրաինական հատուկ ծառայությունների կողմից Մոսկվա քաղաքում Ռուսաստանի Դաշնության պաշտպանության նախարարության երեք բարձրաստիճան զինվորականների նկատմամբ ահաբեկչական գործողություններ կատարելու փորձերը»,- ասվում է հաղորդագրությունում։

Հետախուզական ծառայությունը պարզաբանել է, որ ձերբակալել են 30-ամյա ռուս տղամարդու, որին հավաքագրել է Ուկրաինայի ռազմական հետախուզությունը։ Սուրհանդակային ծառայությունների միջոցով կազմակերպել է նվերների տեսքով քողարկված երեք հզոր ռումբերի առաքում ՊՆ գերատեսչությունների ղեկավարների բնակության հասցեներ։ Ենթադրվում էր, որ ռումբերը գործի են դրվել այն բանից հետո, երբ առաքիչները հայտնել են ծանրոցների առաքման մասին։

Ձերբակալվածը խոստովանել է, որ հավաքագրվել է մայիսին։ Նրա խոսքով՝ ինքը համաձայնել է գումարի դիմաց կատարել կուրատորների հանձնարարականները։

Ամբաստանյալի նկատմամբ քրեական գործ է հարուցվել ահաբեկչության փորձի և պայթուցիկ նյութերի և պայթուցիկ սարքերի ապօրինի շրջանառության համար։ Նախաքննությունը շարունակվում է։