Թուրքիայի կրթության նախարարությունն արգելել է երկրում գործող ֆրանսիական դպրոցներին ընդունել նոր աշակերտներ և հրամայել է եղած երեխաներին տեղափոխել թուրքական դպրոցներ՝ դպրոցի պահանջներին չհամապատասխանելու պատճառով, գրում է Milliyet-ը։

Պարբերականը մեջբերում է ֆրանսիական մշակութային կենտրոնի տնօրեն Սիլվի Լեմասոնի խոսքերը, որ Ֆրանսիայի և Թուրքիայի իշխանությունները երկար ժամանակ բանակցություններ են վարում դպրոցների կարգավիճակի շուրջ, սակայն հունիսին թուրքական կողմը ներկայացրել է համաձայնագրի նոր տարբերակը, այդ թվում. մի շարք նոր առաջարկներ։

«Թուրք պաշտոնյաները հուլիսի 2-ին պաշտոնական նոտայով ծանուցել են Անկարայի Շառլ դը Գոլի ճեմարանին և Ստամբուլի Պիեռ Լոտիի դպրոցին, որ եթե համաձայնագիրը չստորագրվի, ապա դպրոցները չեն կարողանա նոր թուրք աշակերտներ ընդունել 2024-2025 ուսումնական տարում, իսկ ներկայիս աշակերտները պետք է տեղափոխվեն թուրքական դպրոցներ», - մեջբերում է թերթը Լեմասսոնին։

Սպասվում է, որ մի քանի օրից ֆրանսիական պատվիրակությունը կայցելի Թուրքիա՝ քննարկելու ներկա իրավիճակը, եթե համաձայնություն չլինի, դպրոցները կփակվեն։