Իրանում Ադրբեջանի դեսպանատունն այսօրվանից վերսկսել է իր գործունեությունը նոր հասցեում։ Այս մասին տեղեկություն է տարածել Ադրբեջանի արտաքին գործերի նախարարությունը։

Հաղորդվել է, որ դեսպանն ու դեսպանատան ներկայիս անձնակազմը վերադարձել են Իրան։

Նշվել է, որ իրանական կողմը համապատասխան միջոցներ է ձեռնարկել դեսպանատան նոր շենքի դիմաց դիվանագիտական ​​անվտանգությունն ապահովելու համար։

«Այս պահին համապատասխան աշխատանքներ են տարվում Իրանում դեսպանատան նոր շենքում հյուպատոսական ծառայությունը կազմակերպելու ուղղությամբ, իսկ հյուպատոսական ծառայության վերականգնման մասին առաջիկայում կտրամադրվի հավելյալ տեղեկություն»,- ասված է տեղեկատվության մեջ։