Հուլիսի 16-ին՝ ժամը 16։40-ի սահմաններում, ՀՀ ներքին գործերի նախարարության ոստիկանության Շիրակի մարզային վարչությունում և ոստիկանության Ամասիայի բաժնում օպերատիվ տեղեկություններ են ստացվել, որ Ամասիա խոշորացված համայնքի Ոսկեհասկ գյուղում շունը հարձակվել է քաղաքացիների վրա, և կան տուժածներ։

Գյուղ են մեկնել փրկարարները, որպեսզի կարողանան հայտնաբերել ու վնասազերծել շանը։

Դեպքի փաստով նյութեր են նախապատրաստվում։

Կայքի տեղեկություններով՝ երեխայի վիճակը ծանր է, գիտակցությունը տեղն է, մնացած վիրավորները մի քանի օր մնալու են բժիշկների հսկողության տակ:

Շունը, որը հարձակվել է նրանց վրա, տուժածների հարևանինն է եղել։