Նոր Սահմանադրության ընդունումը 2027 թվականից շուտ չի լինելու։ Այս մասին ֆեյսբուքյան իր էջում գրել է «Իրազեկ քաղաքացիների միավորում» ՀԿ համակարգող Դանիել Իոաննիսյանը՝ ներկայացնելով սահմանադրական բարեփոխումների խորհրդի այօրվա նիստից մանրամասներ։

«Սահմանադրության նախաբանին և/կամ անկախության հռչակագրի հղման հարցը խորհրդում չի քննարկվել և մոտակա ժամանակահատվածում չի քննարկվելու։

Խորհրդի այսօրվա նիստում քննարկվել է ապագա սահմանադրության մոդելը (որ այն լինի պրինցիպներ սահմանող և ոչ միկրոկարգավորումներով)։

Այսօրվա նիստի տեսագրությունը քիչ անց կհրապարակվի։

Առաջիկա նիստում քննարկվելու է Կայուն մեծամասնության երաշխավորող նորմից հրաժարվելու հարցը»,- գրել է նա։