Կորոնավիրուսով վարակված ԱՄՆ նախագահ Ջո Բայդենն ունի հիվանդության թեթև ախտանշաններ, և նրա կենսական նշաններն ու մարմնի ջերմաստիճանը նորմալ են, ասվում է պետության ղեկավարի բժիշկ Քևին Օ’Քոնորի եզրակացության մեջ։

«Նախագահը շարունակում է զգալ կորոնավիրուսային վարակի թեթև ախտանիշները։ Նա շարունակում է ընդունել Paxlovid դեղամիջոցը։ Նա ջերմություն չունի և նրա կենսական նշանները մնում են նորմալ։ Նա կշարունակի կատարել իր պարտականությունները՝ ելնելով ամերիկյան ժողովրդի շահերից»,- ասվում է հրապարակված եզրակացության մեջ։ 

Նախօրեին ամերիկյան վարչակազմը հանրությանը տեղեկացրեց, որ Բայդենը վարակվել է կորոնավիրուսով և չեղարկել է Լաս Վեգասում տեղի ունենալիք համաժողովին իր պլանավորված ելույթը։ Այդ ժամանակից ի վեր, ըստ Սպիտակ տան, ԱՄՆ նախագահը ինքնամեկուսացվել է Դելավերում գտնվող իր երկրի նստավայրում։