Ջո Բայդենը հայտարարել է, որ դուրս է գալիս նախագահական մրցապայքարից, գրում է «Ռիա Նովոստի»-ն։ Միաժամանակ նա նշել է, որ կմնա պետության ղեկավարի պաշտոնում մինչև իր լիազորությունների ավարտը։

CNN-ը ևս հայտնել է, որ նախագահ Ջո Բայդենը կիրակի ասել է, որ չի ձգտում վերընտրվել՝ այդ մասին հայտարարելով X-ի  իր պաշտոնական հաշվում տեղադրված նամակում: Բայդենն ասել է, որ այս շաբաթվա վերջին ավելի մանրամասն կխոսի ազգի հետ:

Ամերիկյան լրատվամիջոցները համաձայն են, որ Սպիտակ տան ներկայիս ղեկավարը վատ է հանդես եկել Դոնալդ Թրամփի հետ առաջին բանավեճում։ Նա կակազել է և կանգ է առել, միշտ չէ, որ հստակ ձևակերպել է իր մտքերը, և իրադարձությունից հետո հեռուստատեսային տեսախցիկը ֆիքսել է այն պահը, երբ Բայդենի կինը՝ Ջիլը, օգնել է նրան իջնել աստիճաններից:

Այս ֆոնին դեմոկրատների շրջանում մեկ այլ թեկնածու առաջադրելու կոչերն ավելի ու ավելի հաճախ են դառնում: Ամենահավանական թեկնածուն համարվում է փոխնախագահ Քամալա Հարիսը։