Ֆրանսիայի նախագահ Էմանուել Մակրոնը Օլիմպիական խաղերին ընդառաջ «քաղաքական զինադադար» է առաջարկել՝ նշելով, որ այս պահին ուշադրությունը պետք է կենտրոնացնել սպորտի, ոչ թե քաղաքականության վրա։

Երկուշաբթի օրը, Օլիմպիական խաղերի մեկնարկից հինգ օր առաջ Մակրոնն ասել է, որ դա կլինի «մարզական փառատոն»՝ զուգորդված «օլիմպիական և քաղաքական զինադադարի հետ»:

«Հենց խաղերն են դառնալու երկրի և աշխարհի կյանքի հիմքը», - լրագրողներին ասել է նա, որը մեջբերում է BFMTV հեռուստաալիքը:

Նա նշել է, որ խաղերը «բոլորովին չեն փչացել» հունիսին Ազգային ժողովի լուծարմամբ, ինչի մեջ նախկինում իրեն մեղադրել էին ընդդիմությունն ու քաղաքային իշխանությունը։

«Այս տեսակի զինադադար էլ կա», - ասաց նա՝ չնշելով, թե արդյոք դա նշանակում է, որ նա նոր վարչապետ կնշանակի միայն Օլիմպիական խաղերից հետո:

Ավելի վաղ Մակրոնն ընդունել էր վարչապետ Գաբրիել Աթալի հրաժարականը՝ նշելով, որ նույն կազմով կառավարությունը կշարունակի զբաղվել «ընթացիկ խնդիրներով»։ Նրա խոսքով՝ նոր վարչապետի ընտրությունն ու կաբինետ ձեւավորելը ժամանակ է պահանջում։