Պետական գույքի կառավարման կոմիտեն հաղորդագրություն է տարածել․

«Հաշվի առնելով լրատվամիջոցների հետաքրքրվածությունը Հանրապետության 47 հասցեում գտնվող շենքի վերաբերյալ՝ հայտնում ենք, որ Պետական գույքի կառավարման կոմիտեն հայտարարել է մրցույթ՝ նշված գույքը վարձակալության հանձնելու նպատակով։

Ամսական վարձավճարի նվազագույն չափը 10,300,000 դրամ է։ Վարձակալության տրամադրման ժամկետը՝ 10 տարի։

Մրցույթի հաղթող է ճանաչվելու լավագույն պայմաններ առաջարկած և ըստ սահմանված կշռային գործակիցների առավելագույն միավորներ հավաքած մասնակիցը, իսկ հավասար գործակիցների միավորների դեպքում նախապատվությունը տրվելու է անշարժ գույքի համար բարձր վարձավճար առաջարկած մասնակցին:

Հայտերի ընդունման վերջնաժամկետ է սահմանվել 2024 թվականի օգոստոսի 20-ը։

Հիշեցնենք, որ ՀՀ կառավարությունը 2024 թվականի մայիսի 23-ին որոշում կայացրեց Հանրապետության թիվ 47 հասցեում գտնվող շենքն ու հողամասը մրցութային եղանակով վարձակալության հանձնելու վերաբերյալ»,- ասված է հաղորդագրության մեջ։

Նշենք, որ նույն տարածքի համար 2020 թվականին ևս հայտարարված էր մրցույթ նվազագույնը 4 448 000 ՀՀ դրամ ամսական վարձավճարով։